Historia

Martxoak 8 eta emakume langilearen borroka

105 urte pasa dira nazioarteko lehenengo emakume langilearen eguna ospatu zenetik. 1910ean proposatu zuen Clara Zetkin komunistak martxoaren 8a izatea emakume langilearen nazioarteko eguna. Kopenhagen egin zuen proposamena Emakume Sozialista Internazionalistek antolatutako II. Konferentzian, eta berdintasun eskubideak eta sufragio unibertsala sustatzea eta indartzea zuen helburu. Urte bete geroago ospatu zen borroka egun hau Alemanian, Austrian, Danimarkan eta Suitzan.

ArgazkiaEmakume2

Gehiago irakurri: Martxoak 8 eta emakume langilearen borroka

Pazkoko altxamenduaren 100. urteurrena Irlandan, James Connollyren ondarea.

1916ko Pazko Astelehenean, Irlandako Herri Ejertzitoa eta Boluntario Irlandarrak Inperio Britainiarraren aurka altxa ziren Irlandarentzat askatasuna lortu eta errepublika irlandarra sortzeko helburuarekin. Altxamendu honen oinarrian, mendeetan zehar Inperio britainiarraren eta kapitalismoaren menpean jasandako zapalkuntza nazionala zegoen. Zapalkuntza honek interes britainiarrekin estuki lotuta zeuden kapitalista irlandarren eta hierarkia katolikoaren laguntza izan zuen. Apirilaren 24tik 30era iraun zuen altxamenduak Dublingo kokagune garrantzitsuak hartzea lortu zuen eta mugimenduko buruek Irlandako Errepublika Independentea aldarrikatu zuten. Sei egun hauen ondoren armada britainiarrak mugimendua garaitu zuen.

 james connolly swf

Gehiago irakurri: Pazkoko altxamenduaren 100. urteurrena Irlandan, James Connollyren ondarea.

Etsai nagusia etxean dago!

Hilabete honetan 100 urte bete ditu Karl Liebknecht komunista alemaniarrak idatzitako testu historikoak: “Etsai nagusia etxean dago”. 1915eko maiatzean idatzi zuen Liga Espartakistako buru eta Alemaniako Alderdi Komunistaren sortzaile izan zenak. Lehen Mundu Gerran, ordezkari sozialdemokrata alemaniarrak bere burgesia babesten jarri ziren bitartean, Karl Liebknechtek marxismo internazionalistaren posizioak defendatu zituen lan honetan eta besteak beste Leninek ere babesa eman zion testuari. Gaur, oroitu egin nahi dugu eta iraultzaile guztiei irakurtzea aholkatzen diegu.

Gehiago irakurri: Etsai nagusia etxean dago!

Kubako Iraultzaren historia

Estatu Batuetako eta Kubako gobernuen akordioak Kubako iraultzaren etorkizunari buruzko eztabaida pil-pilean jarri du. Iraultzaren 45. urteurrenaren harira Kubako Iraultzaren historiari buruz idatziko dokumentu luze eta sakon hau berrargitaratzen dugu.

Gehiago irakurri: Kubako Iraultzaren historia

Berlingo harresiaren erorketatik 25 urtetara: kapitalismoaren harresia ere eroriko da

Azaroaren 9an Berlingo harresia erori zenetik 25 urte bete ziren. Komunikabideek oso zabal informatu zuten gobernu alemaniarrak antolatutako ospakizun erraldoiaz. Gertakaria “demokraziaren” garaipentzat eta Alemaniako Errepublika Demokratiko zaharreko biztanleentzako aurrerapausotzat hartu arren, azken egunotan argitaratu diren inkesten arabera, Alemaniako ekialdeko biztanleen %76ak pentsatzen du hobeto bizi zela AEDn. Jarraian 20. urteurrenaren harira, duela bost urte idatzitako artikulua dakargu.

Gehiago irakurri: Berlingo harresiaren erorketatik 25 urtetara: kapitalismoaren harresia ere eroriko da

Azpikategoria

Informazio gehigarria